Yn ei chael hi'n anodd setlo i mewn?

Mae dechrau yn y brifysgol yn drawsnewidiad mawr ac yn un y gallech fod yn cael trafferth ag ef. Nid yw hyn mor anarferol ag y gallech feddwl - byw oddi cartref am y tro cyntaf, newidiadau i drefn ac amserlen, teimlo'n ansicr am y cwrs, neu deimlo nad ydych yn perthyn – mae'r cyfan yn cymryd amser i ddod i arfer ag ef.

Dydych chi ddim ar eich pen eich hun yn eich meddyliau, ac weithiau gall siarad â phobl eraill helpu i bethau deimlo'n fwy hylaw.

Mae rhai pethau cyffredinol y gallwch eu gwneud i helpu:

• Dewch i adnabod cymysgedd o fyfyrwyr - mae ymuno â chlwb, tîm neu gymdeithas yn ffordd wych o wneud ffrindiau newydd, a gallwch ddod i adnabod pobl drwy ddulliau eraill megis yn y Tŷ Cwrdd, neu drwy waith tîm ar eich cwrs.
• Sicrhewch eich bod yn gofalu am bob agwedd ar eich iechyd a'ch lles, gan gynnwys cwsg a diet. Gallwch siarad â'r tîm Lles am gyngor a chefnogaeth neu gallwch fynychu un o'u digwyddiadau.
• Mae ymarfer corff rheolaidd nid yn unig yn gwella eich iechyd yn gyffredinol ond gall hefyd roi hwb i'ch hwyliau. Edrychwch pa gyfleusterau chwaraeon a hamdden y mae PDC yn eu cynnig. Gall hyd yn oed fod yn ffordd dda o gwrdd â phobl.
• Os ydych chi am siarad â rhywun sydd wedi profi'r newid i'r brifysgol yn ddiweddar, mae llawer o wasanaethau cymorth cymheiriaid ar gael, gan gynnwys y Cynllun Mentor a Swyddogion Undeb y Myfyrwyr.
• If you want to speak to someone that has recently experienced the transition to university, there are many peer support services available including the Mentor Scheme and the Students' Union Officers.

Ydych chi wedi ystyried opsiynau eraill?

Yn dibynnu ar eich amgylchiadau neu rhesymau dros adael, efallai y bydd opsiynau eraill ar gael i chi, er enghraifft:

• Toriad ar Astudio,
• Trosglwyddo Cyrsiau,
• Gwneud Cais am Absenoldeb,
• Gwneud Cais am Amgylchiadau Esgusodol,
• Ceisio cymorth yn ystod eich astudiaethau

Gallwch edrych ar y tudalennau uchod i gael gwybodaeth am yr opsiynau, ond efallai yr hoffech drafod hyn gyda Chynghorydd.

Ydych chi'n ymwybodol y gall PDC eich cefnogi gyda llawer o bethau yn ystod eich astudiaethau?

Efallai na fyddwch yn ymwybodol o'r cymorth i fyfyrwyr yn PDC. Neu efallai na fyddwch yn siŵr pa wasanaeth sydd orau i chi.

Gall y cymorth canlynol fod yn arbennig o berthnasol os ydych yn ystyried gadael:

• Wellbeing,
• Disability,
• Study Skills,
• Student Money Advice,
• Immigration and International Advice.
• Llesiant,
• Anabledd,
• Sgiliau Astudio,
• Cyngor Ariannol i Fyfyrwyr.

Gallwch gysylltu â'r Ardal Gynghori yn bersonol, dros y ffôn neu drwy’r Ardal Gynghori Ar-lein, a gallant eich cyfeirio at y gwasanaeth perthnasol.

Os ydych chi'n teimlo y gallai fod angen cymorth arnoch gan fwy nag un gwasanaeth, neu ddim yn siŵr pa fath o gymorth y gallai fod ei hangen arnoch, gallwch siarad â chynghorydd a fydd yn trafod eich amgylchiadau ac yn darparu cymorth a chyngor cyfannol.

Siaradwch â Chynghorydd.

Gall y Tîm Cyngor Dilyniant eich helpu i ddeall eich opsiynau fel y gallwch chi benderfynu ar y cam nesaf. Er enghraifft, gallai hyn fod yn trosglwyddo i gwrs arall neu i astudio'n rhan-amser, cymryd blwyddyn allan, neu efallai gadael y brifysgol - mae'n bwysig eich bod yn ystyried eich holl opsiynau i wneud penderfyniad gwybodus, pa un bynnag sy'n iawn i chi.

Efallai y bydd angen cymorth ychwanegol arnoch i'ch helpu yn eich astudiaethau, a bydd yr ymgynghorydd yn trafod hyn gyda chi ac yn eich helpu i gael mynediad at y gwasanaeth priodol.

Os yw hyn yn swnio fel rhywbeth yr hoffech ei ystyried, archebwch apwyntiad gyda'r Tîm Cyngor Dilyniant, neu cysylltwch gyda’r tîm trwy anfon e-bost at [email protected] am help gydag archebu. Mae apwyntiadau ar gael dros y ffôn, dros Teams, neu ar y campws.

Wedi penderfynu gadael?

Os ydych chi'n teimlo eich bod wedi ystyried popeth ac wedi penderfynu mai gadael yw'r opsiwn iawn i chi, gwnewch yn siŵr eich bod chi'n darllen ac yn dilyn y dudalen hon wrth dynnu'n ôl o'ch astudiaethau. Rydym yn deall nad yw hyn yn benderfyniad hawdd, ond rydym yn gobeithio mai hwn yw'r un iawn i chi.

Mae'r dudalen tynnu'n ôl uchod yn cynnwys ychydig o bethau eraill y mae angen i chi fod yn ymwybodol ohonynt cyn i chi dynnu'n ôl yn ffurfiol, a'r weithdrefn ar gyfer tynnu'n ôl o'ch astudiaethau.

Gofynnir i chi lenwi ffurflen fel y gellir ei phrosesu ar ein systemau, ynghyd ag e-bost i ddangos eich bod wedi rhoi gwybod i Arweinydd eich Cwrs neu Hyfforddwr Academaidd Personol, os oes gennych chi un, eich bod wedi penderfynu tynnu'n ôl fel eu bod yn gwybod i beidio â dilyn unrhyw brosesau eraill.

Gofynnir i chi hefyd am y rheswm yr ydych yn tynnu'n ôl - mae hyn er mwyn i'r Brifysgol allu adrodd ac archwilio unrhyw feysydd lle gallwn helpu myfyrwyr yn y dyfodol.

Os ydych yn darllen hwn, ar ôl gwneud y penderfyniad hwn, rydym yn dymuno’r gorau i chi ar gyfer eich dyfodol. Efallai y byddwch yn ystyried dod yn ôl i Brifysgol De Cymru ar adeg arrall, a gobeithiwn eich gweld bryd hynny.